BOLA TARBIYASIDA OILANING ROLI VA AHAMIYATI

Oilada bolalarga juda kichik yoshdan boshlab barkamollik sifatlari tarbiyalanib boradi. Bola avvalo oila muhiti asosida tarbiyalanib, shakllanib boradi. Shuning uchun ham oilada bolaning har bir harakati, uning do’stlari, odamlarga muomalasi kabilar kuzatilib, undagi o’zgarishlar, xulqidagi kamchiliklar bartaraf etilib borishi lozim. Bolani yosh niholga o’xshatish mumkin. Yosh niholni o’stirishda uning ortiqcha shoxlarini kеsib, tinimsiz parvarishlab borsangiz u ko’rkam daraxtga aylanadi. Bola kichikligida juda shirin harakatlari va qiliqlari bilan ota-ona va atrofdagilar diqqatini jalb qiladi. Shunday davrda uning barcha injiqliklari va talablarini ota-ona bеkami ko’st bajaradi.