TIBBIYOT TALABALARINING KASBIY KOMPETENSIYASINI SHAKLLANTIRISHDA INGLIZ TILI O'QITISHNING O'RNI

Ushbu maqolada tibbiyot oliy ta’lim muassasalarida ingliz tilini o‘qitishning tibbiyot talabalari kasbiy kompetensiyasini shakllantirishdagi o‘rni yoritilgan. Maqolada ingliz tili nafaqat xorijiy til sifatida, balki tibbiy sohada kasbiy muloqot vositasi sifatida ham muhim ahamiyat kasb etishi ilmiy asosda tahlil qilinadi. Shuningdek, tibbiyot talabalari uchun ingliz tilini o‘qitishda qo‘llaniladigan zamonaviy metodlar - ESP (English for Specific Purposes), CLIL (Content and Language Integrated Learning), hamda kommunikativ yondashuvning ahamiyati tahlil etilgan. Tadqiqotda ingliz tilini o‘rganish jarayoni orqali talabalarning kasbiy tafakkuri, klinik terminologiyani o‘zlashtirish, bemorlar bilan samarali muloqot qilish va xalqaro ilmiy hamkorlikda ishtirok etish ko‘nikmalari rivojlanishi ta’kidlangan. Natijada ingliz tilini tibbiy ta’lim jarayonining ajralmas qismi sifatida o‘qitish tibbiyot mutaxassislarining global raqobatbardoshligini ta’minlovchi muhim omil ekanligi isbotlanadi.