TIMSS TOPSHIRIQLARI ORQALI BOSHLANG'ICH SINF O'QUVCHILARINING AMALIY KOMPETENSIYASINI RIVOJLANTIRISH

Mazkur maqolada boshlang‘ich sinf o‘quvchilarining amaliy matematik kompetensiyalarini rivojlantirishda TIMSS xalqaro baholash dasturi topshiriqlaridan foydalanishning pedagogik imkoniyatlari yoritilgan. Tadqiqotda TIMSS topshiriqlarining mazmuniy xususiyatlari, ularning o‘quvchilarda real hayotiy vaziyatlarda matematik bilimlardan foydalanish ko‘nikmalarini shakllantirishdagi o‘rni tahlil qilinadi. Shuningdek, boshlang‘ich ta’lim jarayonida TIMSS formatidagi masalalarni dars mazmuniga integratsiya qilish orqali o‘quvchilarning mantiqiy fikrlashi, muammoni hal etish, tahlil qilish va xulosalar chiqarish kompetensiyalarini rivojlantirish masalalariga alohida e’tibor qaratiladi. Maqolada zamonaviy ta’lim talablariga mos holda o‘quvchilarning funksional savodxonligini oshirishda xalqaro baholash mezonlarining ahamiyati ilmiy asoslab beriladi.