O'ZBEKISTONDA VALYUTA SIYOSATINING LIBERALLASHTIRILISHI VA UNING TASHQI SAVDO TARKIBIY TUZILMASIGA TA'SIRI

Ushbu maqolada O‘zbekistonda 2017-yildan boshlab amalga oshirilgan valyuta siyosatining liberallashtirilishi va uning mamlakatning tashqi savdo tarkibiy tuzilmasiga ta'siri tizimli tahlil qilingan. Tadqiqotda valyuta rejimining o‘zgarishi — qat'iy boshqariladigan kursdan boshqariladigan suzuvchi kursga o‘tish jarayoni, uning eksport va import tovar tarkibiga, geografik tuzilmasiga hamda tashqi savdoning diversifikatsiya darajasiga ta'siri 2015–2025 yillar statistik ma'lumotlari asosida o‘rganilgan. Herfindahl-Hirschman indeksi (HHI), tarkibiy o‘zgarish koeffitsienti, Revealed Comparative Advantage (RCA) tahlili va Difference-in-Differences (DID) usullari qo‘llanilgan. Tadqiqot natijalari valyuta liberallashtirilishidan keyin eksport tarkibiy tuzilmasining sezilarli diversifikatsiyalanganini, import tarkibida esa investitsion tovarlar ulushining oshganini isbotlagan.