INGLIZ VA O'ZBEK TILLARIDA NOFORMAL NUTQ BIRLIKLARI (ARGO VA JARGON) NING SOTSIOLINGVISTIK TABIATI VA ULARNI TARJIMA QILISHNING PRAGMATIK YONDASHUVLARI

Mazkur maqolada ingliz va o‘zbek tillaridagi noformal nutq birliklari — argo va jargonlarning sotsiolingvistik tabiati, ularning semantik-pragmatik transformatsiyasi hamda tarjima jarayonidagi funksional moslashuv mexanizmlari kompleks qiyosiy yondashuv asosida tahlil qilinadi. Tadqiqotda argo va jargonning ijtimoiy identifikatsiya, guruhiy birdamlikni mustahkamlash, emotsional-ekspressivlikni kuchaytirish va kommunikativ iqtisod tamoyilini amalga oshirishdagi roli yoritiladi. Shuningdek, tarjima jarayonida ekvivalentlik nazariyasining cheklanishlari, pragmatik adaptatsiya zarurati hamda madaniy kodlarning translatsiyasi muammolari ilmiy asosda ochib beriladi. Natijalar shuni ko‘rsatadiki, noformal leksika tarjimasida lingvistik ekvivalentlik ikkilamchi, asosiy omil esa sotsiolingvistik va pragmatik adekvatlik hisoblanadi.