O'QITUVCHILAR VA O'QUVCHILARNING LUG'ATNI MOBIL ILOVALAR VOSITASIDA O'RGANISH HAQIDAGI TASAVVURLARI

Mazkur maqolada lug‘atni mobil ilovalar vositasida o‘rganishga doir o‘qituvchilar va talabalarning tasavvurlari nazariy jihatdan tahlil qilinadi. Mobil texnologiyalarning ta’lim jarayoniga jadal kirib kelishi fonida MALL (Mobile-Assisted Language Learning) yondashuvi til o‘rganishda samarali vosita sifatida qaralmoqda. Maqolada o‘qituvchilarning mobil ilovalarga nisbatan metodik, didaktik va nazoratga oid qarashlari hamda talabalarning motivatsiya, mustaqil o‘rganish va qulaylik bilan bog‘liq fikrlari yoritiladi. Shuningdek, xorijiy va mahalliy tadqiqotchilarning qarashlari asosida mobil ilovalarning lug‘at boyligini oshirishdagi afzalliklari va mavjud cheklovlari muhokama qilinadi. Tadqiqot natijalari MALL texnologiyalaridan samarali foydalanish bo‘yicha nazariy xulosalar chiqarishga xizmat qiladi.