QALQONSIMON BEZNING XAVFSIZ VA XAVFLI TUGUNLARINI ULTRATOVUSH TEKSHIRUVIDA ACR TI-RADS SHKALASI ASOSIDA DIFFERENSIAL DIAGNOSTIKASI

Qalqonsimon bez tugunlari klinik amaliyotda keng tarqalgan patologiyalardan biri bo‘lib, ularning aksariyati xavfsiz xarakterga ega. Shu bilan birga, ayrim tugunlar qalqonsimon bez saratoni bilan bog‘liq bo‘lishi mumkin. Zamonaviy ultratovush tekshiruvi tugunning morfologik xususiyatlarini baholash va malignizatsiya xavfini stratifikatsiya qilish imkonini beradi. ACR TI-RADS tizimi ultratovush belgilarini standartlashtirish va biopsiyaga muhtoj tugunlarni aniqlash maqsadida ishlab chiqilgan.