INSON XARAKTERINING XALQ MAQOLLARIDAGI PAREMIOLOGIK TALQINI VA LINGVOPOETIK XUSUSIYATLARI

Ushbu tezisda inson fe’l-atvori, uning ijtimoiy-axloqiy qiyofasi va ruhiy jilvalarining o‘zbek xalq og'zaki ijodining ixcham va mazmunan teran janri bo'lmish maqollarda aks etishi lingvopoetik hamda psixologik aspektda tahlil qilinadi. Tadqiqotda inson xarakterini belgilovchi qutbiy sifatlar - sabr va hovliqmalik, mardlik va qo‘rqoqlik, to‘g‘rilik va ayyorlik kabi tushunchalarning paremiologik fonddagi ramziy-metaforik ifodasi yoritilgan. Maqollarning inson ma’naviy-axloqiy komilligini shakllantirishdagi tarbiyaviy va didaktik vazifasi ilmiy dalillangan.