Organizing Creative Engineering Activities in Teaching the Course "Hydraulics and Hydraulic Systems": Integration of Pedagogical and Technical Approaches

Maqolada “Gidravlika va gidravlik tizimlar” fanini o‘qitishda bo‘lajak muhandislarning ijodkorlik kompetentligini rivojlantirishga yo‘naltirilgan ta’lim jarayonini tashkil etish masalasi pedagogika va texnika fanlari integratsiyasi nuqtayi nazaridan yoritilgan. Respublika pedagog olimlarining ijodkorlik, kompetensiyaviy yondashuv, loyiha asosida o‘qitish va fanlararo integratsiyaga oid ishlari gidravlika sohasidagi A.M. Arifjanov, S.N. Xoshimov, Z.I. Ibragimova, D.A. Abduraimova va boshqa mutaxassislarning o‘quv-metodik ishlanmalari bilan qiyosiy bog‘langan. Natijada o‘qituvchilar uchun “Muammo–Dalil–Variant–Qaror–Refleksiya”, “Tajriba–Hisob–Simulyatsiya–Loyiha” va “Ikki konturli dars loyihalash” nomli uchta namunaviy metodika taklif etildi. Metodikalarda pedagogik maqsad texnik mazmun bilan, ijodiy topshiriq esa gidravlik hisob, laboratoriya tajribasi, raqamli model, muqobil yechim va mezonli baholash bilan bog‘lanadi. Taklif etilgan yondashuv o‘qituvchiga an’anaviy hisoblash va laboratoriya mashg‘ulotlarini ochiq muhandislik muammolari, loyiha faoliyati va refleksiv baholash bilan boyitish imkonini beradi.