BO'LAJAK BOSHLANG'ICH SINF O'QITUVCHILARINING KASBIY KOMPETENTLIGINI RIVOJLANTIRISHDA WEB-PLATFORMALARDAN FOYDALANISH

Ushbu maqolada bo‘lajak boshlang‘ich sinf o‘qituvchilarining kasbiy kompetentligini rivojlantirishda web-platformalardan foydalanishning pedagogik imkoniyatlari yoritilgan. Web-platformalarning talabalarda metodik, kommunikativ, axborot, raqamli va refleksiv kompetensiyalarni shakllantirishdagi ahamiyati tahlil qilingan. Shuningdek, Moodle, Google Classroom, Microsoft Teams, LearningApps, Wordwall, Quizizz, Kahoot va Canva kabi raqamli platformalardan ta’lim jarayonida samarali foydalanish usullari ko‘rib chiqilgan. Web-platformalar asosida interaktiv topshiriqlar, elektron testlar, guruhli loyihalar, videodarslar va elektron portfoliolar yaratish bo‘lajak o‘qituvchilarning mustaqil, ijodiy va kasbiy faoliyatini rivojlantirishi asoslangan. Maqolada web-platformalardan foydalanish samaradorligini oshirishga xizmat qiluvchi pedagogik shart-sharoitlar ham bayon etilgan.