XIVA XONLIGIDA QOZILIK FAOLIYATINING TARIXIY MANBALARDA AKS ETISHI
收藏资源简介：
Mazkur tezisda XVIII asr oxiri – XX asr boshlarida Xiva xonligida faoliyat yuritgan qozilik institutining tarixiy manbalarda aks etish xususiyatlari tahlil qilinadi. Tadqiqotda qozilik faoliyatini yorituvchi manbalar kelib chiqishi, mazmuni, tarixiy axborot imkoniyatlari va o‘ziga xos jihatlariga ko‘ra guruhlashtiriladi. Xiva xonligi tarixiga oid mahalliy tarixnavislik asarlari, qozilik hujjatlari, xonlikning ma’muriy-devonxona materiallari, farmon va yorliqlar, murojaat va arzdodlar, shuningdek, Rossiya imperiyasi ma’muriy hujjatlari hamda sharqshunoslik tadqiqotlarining qozilik faoliyatini o‘rganishdagi ahamiyati ko‘rib chiqiladi. Qozilik faoliyatini faqat sud-huquqiy jarayon sifatida emas, balki davlat boshqaruvi, ijtimoiy munosabatlar, mulkiy munosabatlar, oilaviy masalalar va shariat normalarining amaliy qo‘llanishi bilan bog‘liq tarixiy jarayon sifatida o‘rganish zarurligi asoslanadi.
