SUN'IY INTELLEKTNING TA'LIM JARAYONIDAGI IMKONIYATLARI VA PEDAGOG FAOLIYATIGA TA'SIRI

Mazkur maqolada zamonaviy ta’lim tizimiga sun’iy intellekt (SI) texnologiyalarini joriy etishning ilmiy-nazariy asoslari, uning o‘quv jarayonini individuallashtirishdagi imkoniyatlari hamda pedagogik faoliyat samaradorligiga ta’siri tahlil qilingan. Tadqiqot davomida sun’iy intellektga asoslangan adaptiv ta’lim platformalari, avtomatlashtirilgan baholash tizimlari va repetitorlik dasturlarining ta’lim sifatini oshirishdagi o‘rni o‘rganildi. Shuningdek, o‘qituvchilarning kundalik byurokratik yuklamasini kamaytirish, ularning ijodiy va kasbiy salohiyatini yanada rivojlantirishda raqamli vositalarning ahamiyati ochib berildi. Maqolada xalqaro tashkilotlar (UNESCO, OECD) ma’lumotlari va ilmiy adabiyotlar tahliliga asoslangan holda, pedagoglarning raqamli kompetensiyalarini oshirish zarurati ilmiy jihatdan asoslandi.