TURK NASRIDA ONA OBRAZI VA UNING POETIK TADRIJI

Annotatsiya. Ushbu tezisda XIX asr oxiri hamda XX-XXI asrlar turk nasrida ona obrazining badiiy, ijtimoiy, falsafiy va psixologik talqinlari keng doirada tadqiq etiladi. Tadqiqot davomida Tanzimat davri maorifparvarlik g'oyalaridan boshlab, Servet-i Fünun, Milliy adabiyot, Respublika davri ijtimoiy realizmi hamda modern va postmodern turk nasrigacha bo‘lgan bosqichlarda ona siymosining poetik va uslubiy o‘zgarish dinamikasi tahlil qilinadi. Halide Edib Adıvar, Reşat Nuri Güntekin, Yaşar Kemal, Orhan Kemal, Peyami Safa va Orhan Pamuk kabi atoqli adiblarning roman hamda hikoyalarida ona obrazining milliy va umuminsoniy qadriyatlar, Anadolu turmush tarzi, ijtimoiy tabaqalanish, urush kulfatlari va zamonaviylashuv jarayonlari bilan tutashgan nuqtalari ilmiy-tahliliy asosda ochib beriladi.