SUN'IY INTELLEKT VA ROBOTOTEXNIKA BOSHQARUVINI O'RGANISH STRATEGIYALARI

Mazkur maqolada sun’iy intellekt texnologiyalarining robototexnika boshqaruv tizimlaridagi o‘rni va ahamiyati ilmiy jihatdan tahlil qilingan. Robotlarning boshqaruv strategiyalarini takomillashtirishda mashinali o‘qitish, chuqur o‘qitish, kompyuter ko‘rishi va adaptiv boshqaruv algoritmlarining qo‘llanilishi yoritilgan. Shuningdek, sanoat robotlari faoliyatida real vaqt rejimida qaror qabul qilish, trayektoriyani optimallashtirish hamda xavfsizlikni ta’minlash usullari tahlil qilindi. Tadqiqot natijalari sun’iy intellekt asosidagi boshqaruv strategiyalari ishlab chiqarish unumdorligini oshirish, energiya sarfini kamaytirish va robot tizimlarining ishonchliligini ta’minlashini ko‘rsatadi.