YIRIK DAVLAT ULUSHIDAGI KORXONALARGA AJRATILGAN KREDITLARNI QAYTARISHGA TA'SIR ETUVCHI OMILLARNI EKONOMETRIK BAHOLASH VA KREDIT RISKLARINI BOSHQARISHNI TAKOMILLASHTIRISH

Mazkur maqolada O'zbekiston Respublikasida faoliyat yuritayotgan yirik davlat ulushidagi korxonalarga ajratilgan kreditlarning qaytarilishiga ta'sir etuvchi moliyaviy omillar ekonometrik usullar asosida baholangan. Tadqiqotda 2020–2025-yillar davomida "O'zkimyosanoat" AJ, "Uzbekneftegaz" AJ, "Hududiy elektr tarmoqlari" AJ hamda "O'zbekiston temir yo'llari" AJ faoliyati bo'yicha shakllantirilgan panel ma'lumotlardan foydalanilgan. Kreditlarni qaytarish darajasiga DSCR, operatsion pul oqimi, aktivlar rentabelligi, qarz yuklamasi va foizlarni qoplash koeffitsientining ta'siri panel regressiya modeli yordamida baholangan. Tadqiqot natijalari asosida kredit risklarini boshqarishning takomillashtirilgan monitoring mexanizmi ishlab chiqilgan.