INVESTITSIYA SIYOSATI VA GLOBAL IQTISODIY OʻSISH: OʻZARO TA'SIR VA SAMARADORLIK TAHLILI

Ushbu ilmiy maqolada investitsiya siyosati va global iqtisodiy o‘sish o‘rtasidagi o‘zaro bog‘liqlik kompleks yondashuv asosida tahlil qilinadi. Zamonaviy global iqtisodiyotda investitsiya oqimlarining hajmi, tarkibi va yo‘nalishi iqtisodiy rivojlanishning asosiy drayveri sifatida namoyon bo‘layotgani, ayniqsa rivojlanayotgan mamlakatlar uchun investitsiya siyosatining samaradorligi muhim omil ekanligi asoslab beriladi. Xalqaro tajriba, jumladan Jahon banki, Xalqaro valyuta jamg‘armasi va boshqa nufuzli institutlar ma’lumotlari asosida investitsiyalarning iqtisodiy o‘sish, bandlik, innovatsiya va ijtimoiy farovonlikka ta’siri chuqur o‘rganiladi. Tadqiqot jarayonida investitsiya siyosatidagi mavjud muammolar, xususan institutsional zaifliklar, investitsiya muhitining yetarli darajada shakllanmaganligi, risklar va global iqtisodiy beqarorlik kabi omillar aniqlanadi hamda ularni bartaraf etish bo‘yicha ilmiy asoslangan takliflar ilgari suriladi.