QIZLARNING REPRODUKTIV FUNKSIYASIGA QARINDOSHLIK NIKOHINING TA'SIRI (ADABIYOTLAR TAHLILI)

Olimlarning izlanishlari shuni ko’rsatadiki qarindoshlik nikohining bo’lishi genlarning dominant yoki monogen holatda o’tishiga olib keladi, mezonefral va paramezonefral kanallarning rivojlanishdagi buzilishlari hisobiga reproduktiv organlarning turli xil nuqsonlari uchramoqda [1; C. 352-357, 2; C. 48-69, 3; C. 47-50]. Reproduktiv organlarning tug’ma nuqsonlari rivojlanishida yaqin qarindoshlik nikohi asosiy omillardan biri hisoblanadi [4; C. 465-471, 5; C. 138-148, 6; C. 1-14]. Bachadon nuqsonlari har 1000 tadan 1ta o’smir qiz00da aniqlanib, bu holat reproduktiv yoshdagi 3,2% ayollarda ham uchramoqda [7; C. 8-14, 8; C. 62-65]. Olimlarning tahlillariga ko’ra bachadon nuqsonlari 30-35% reproduktiv yoshdagi bepushtligi bo'lgan ayollarda aniqlangan. Bundan tashqari ushbu holat patalogik tug'ruq o'tkazgan 17% ayollarda ham aniqlangan [9; C. 9-10, 10; C. 21-25]. Tadqiqotchilarning aniqlashicha 55% bepushtlik va homilador ayollarning 44-90% I-II tremestridagi reproduktiv yo’qotishlar ikki shoxli bachadoni bo’lgan ayollarda kuzatilgan [11; C. 1-7, 12; C. 52-53].