BOSHQIRD XALQINING E.I.PUGACHYOV QO'ZG'OLONIDAGI ISHTIROKI: MANBASHUNOSLIK VA TARIXNAVISLIK TAHLILI

Annotatsiya. Ushbu maqolada E.I. Pugachyov boshchiligidagi dehqonlar urushida (1773–1775) Boshqird xalqining tutgan o‘rni manbashunoslik va tarixnavislik prizmasi orqali chuqur tahlil etilgan. Tadqiqot doirasida Rossiya davlat qadimgi hujjatlar arxivi (RGADA) va Orenburg viloyati davlat arxivi (GAOO) fondlaridagi rasmiy hujjatlar, xususan, Pugachyov manifestlari va Salavat Yulayev murojaatnomalari manba sifatida o‘rganilgan. Imperiya, sovet va zamonaviy davr tarixnavisligining konseptual yondashuvlari qiyosiy tadqiq etilib, mavzuning ilmiy yangiligi ochib berilgan. Tadqiqot natijalari dehqonlar urushining etno-ijtimoiy xususiyatlarini va Boshqirdlar harbiy-siyosiy ittifoqining ichki dinamikasini ob’ektiv baholashga xizmat qiladi.