TALABALARDA OʻZ-OʻZINI ANGLASHDA UCHRAYDIGAN MUAMMOLAR VA ULARNI BARTARAF ETISH YOʻLLARI

Mazkur maqolada talabalarda o‘z-o‘zini anglash jarayonining psixologik, ijtimoiy va pedagogik xususiyatlari hamda ushbu jarayonda yuzaga keladigan muammolar tahlil qilinadi. Shaxsning o‘z imkoniyatlarini baholashi, individual qobiliyatlarini aniqlashi, hayotiy maqsadlarini belgilashi va jamiyatda o‘z o‘rnini topishiga ta’sir etuvchi ichki hamda tashqi omillar yoritiladi. Xususan, talabalarda o‘ziga ishonchsizlik, motivatsiya yetishmasligi, ijtimoiy bosim, shaxsiy imkoniyatlarni noto‘g‘ri baholash va kelajakka nisbatan noaniqlik kabi muammolarning namoyon bo‘lishiga e’tibor qaratiladi. Shuningdek, o‘z-o‘zini kuzatish, refleksiv tafakkurni rivojlantirish, psixologik maslahat, individual yondashuv, maqsadli rejalashtirish va ijtimoiy faollikni oshirish orqali mazkur muammolarni bartaraf etish imkoniyatlari ko‘rib chiqiladi. Maqolada ta’lim muassasalarida psixologik-pedagogik qo‘llab-quvvatlash tizimini takomillashtirish, talabalarning mustaqil fikrlashi va shaxsiy rivojlanishini rag‘batlantirish bo‘yicha amaliy tavsiyalar ilgari suriladi.