SABZAVOT EKISH UCHUN TUPROQNI TAYYORLASH TEXNOLOGIYALARI
收藏资源简介：
Mazkur tezisda sabzavot ekinlarini ekish uchun tuproqni tayyorlash texnologiyalari bo‘yicha ilgari olib borilgan ilmiy tadqiqotlar umumlashtirilgan. Turli mamlakatlarda amalga oshirilgan izlanishlarda tuproqni ekishga tayyorlash jarayoni sabzavot ekinlarining unib chiqishi, dastlabki rivojlanishi va yakuniy hosildorligiga ta’sir etuvchi muhim agrotexnik omil sifatida baholangan. Ilmiy manbalarda tuproqni tayyorlashda qo‘llaniladigan an’anaviy va zamonaviy texnologik yondashuvlar, jumladan, ko‘p bosqichli ishlov berish, qisqartirilgan ishlov tizimlari hamda kombinatsiyalashgan texnologiyalar keng yoritilgan. Tadqiqotlar natijalariga ko‘ra, texnologik operatsiyalar sonini kamaytirish va ularni maqbul ketma-ketlikda bajarish ekish sifatini saqlab qolish bilan birga ishlab chiqarish xarajatlarini qisqartirish imkonini beradi. Шунингдек, ayrim ilmiy ishlarda tuproqni haddan tashqari qayta ishlash salbiy oqibatlarga olib kelishi mumkinligi qayd etilgan. Tezisda keltirilgan ilmiy qarashlar va tadqiqot natijalari sabzavot ekinlarini ekish uchun tuproqni tayyorlash texnologiyalarini tanlash va ularni takomillashtirishda nazariy asos bo‘lib xizmat qiladi.
