KORXONALAR IQTISODIYOTIDA OZIQ-OVQAT XAVFSIZLIGINI TA'MINLASHNING TASHKILIY- HUQUQIY VA IQTISODIY MEXANIZMLARI

Ushbu maqolada korxonalar iqtisodiyotida oziq-ovqat xavfsizligini ta’minlashning tashkiliy, huquqiy va iqtisodiy mexanizmlari ilmiy- nazariy jihatdan tadqiq qilingan. Xususan, oziq-ovqat sanoati va eksportga yo‘naltirilgan korxonalarda xalqaro sifat va xavfsizlik standartlarini (ISO 22000 va HACCP) joriy etishning qonunchilik asoslari hamda iqtisodiy samaradorligi tahlil qilingan. Tadqiqot doirasida 2025-yilga qadar respublikamiz korxonalarida oziq- ovqat xavfsizligini strategik boshqarish doirasida ISO 22000 standartini 45 ta hamda HACCP tizimini 81 ta korxonada joriy etishning maqsadli ko‘rsatkichlari iqtisodiy jihatdan asoslab berilgan. Shuningdek, maqolada xavfsizlik menejmenti tizimlarini integratsiya qilish orqali korxonalarning eksport salohiyatini oshirish, ichki tranzaksion xarajatlarni maqbullashtirish va milliy iqtisodiyotning xalqaro bozorlardagi raqobatbardoshligini ta’minlash bo‘yicha ilmiy-amaliy tavsiyalar ishlab chiqilgan.