MECHANISMS FOR ENHANCING INTERNATIONAL COMPETITIVENESS IN THE DEVELOPMENT OF EDUCATIONAL SERVICES EXPORTS IN UZBEKISTAN

Maqolada O‘zbekistonda ta’lim xizmatlari eksportini rivojlantirishda xalqaro raqobatbardoshlikni oshirish mexanizmlari Milliy statistika qo‘mitasi va Ta’lim sifatini ta’minlash milliy agentligining 2015–2026-yillardagi rasmiy ma’lumotlari asosida tahlil qilingan. Mamlakatdagi xorijiy talabalar soni 2015/2016-o‘quv yilidagi 0,7 mingdan 2025-yilda 24 647 nafarga yetgani, 2025-yilda o‘qish maqsadida kelganlar 39,7 ming nafarni tashkil etib, xorijga o‘qishga ketganlar sonidan (28 954) birinchi marta oshib ketgani aniqlandi. Shu bilan birga, eksport tarkibida yuqori konsentratsiya saqlanmoqda: xorijiy talabalarning 53 foizi Hindiston fuqarolari, 63,5 foizi tibbiyot yo‘nalishida, 95,5 foizi oltita hududda tahsil olmoqda. Muallif ta’lim eksportidan olinadigan yillik tushumni 131–148 mln AQSH dollari oralig‘ida baholaydi va raqobatbardoshlikni oshirishning sakkiz yo‘nalishli mexanizmlar tizimini taklif etadi.